Seguro que algunha vez te preguntaste por que China segue un calendario diferente do calendario seguido pola maioría do mundo, o gregoriano .
O noso calendario ten 12 meses, entre 29 e 31 días, xunto cunha cifra final de 365 días, agás os anos bisestos, que teñen 366. Porén, o calendario en China é moi diferentes.
Cada ano comeza nun día diferente, xa que seguen o ciclo lunar. Neste caso, o novo ano debe coincidir coa aparición da segunda lúa nova despois do solsticio de inverno, e este ano 2023 coincide co domingo 22 de xaneiro. Curiosamente, para a poboación chinesa este ano novo celebran a entrada do ano 4721, ano do coello. E por que cada ano se relaciona cun animal? A resposta é moi sinxela. Segundo unha lenda chinesa, Buda chamou a todos os animais a aparecer ante el, e só apareceron 12: a rata, o boi, o tigre, o coello, o dragón, a serpe, o cabalo, a cabra, o mono, o galo, o can, e rematando co porco. O ano, en lugar de dividirse en 12 meses, divídese nestes 12 animais.
En China son grandes crentes dos horóscopos e da astroloxía, polo que pensan que a súa personalidade e carácter depende do ano en que naceron, ademais do animal que é.